وصفات للجسم حواء...........

تتكون من:-
-ازالة السواد من بعض المناطق
-التنظيف والتقشير
-الوصفات الخاصة بشد الجسم وتجميله وتطهيره
-الترطيب
*والمواد المستخدمة طبيعيه وتقدرين تعملينها في البيت ..
# أولا: إزالة السواد من بعض المناطق:
طبعا فيه كثير خلطات للسواد لكن إنا اخترت أفضل شي:
1/ وضع زيت زيتون على المنطقة السوداء سواء الركبة أو الكوع أو غيره وفركه بنصف ليمونه مغطسه بملح ناعم ..... أو
2/ فرك المنطقة بنصف ليمونه مغطسه في بيكربونات الصوديوم ....... أو
3/ كميات متساوية من : الليمون ، خل التفاح ، ماء الورد . اخلطيهم وادهنيهم على المنطقة ..
**طبعا الخلطات هذي قبل الحمام ....
إذا تبغي نتيجة سريعة استخدمي بعد الحمام :
** ادهني المناطق السوداء بالجلسرين مع الليمون ...
أو تدهنيهم بزيت الورد.. طبعا كل يوم بعد الحمام وقبل متنامي.. وفي الصباح اغسليهم
# ثانيا : التقشير
اختارو إحدى هذي الوصفات أو جربي كل مره وحده منهم فكلهم ممتازين
1 / الوصفة الأولى :
اخلطي كميات متساوية من الليمون ، زيت الزيتون ، ملح ناعم ، سكر خشن
ادهني جسمك فيهم وخليكي ساعة أو نصف ساعة على الأقل .. في حمام مليء بالبخار
بعد كذا افركي جسمك وشوفي الأوساخ اللي بتطلع ..... وامسحي جسمك بفوطه قديمه ..
بعد كذا اغسلي جسمك بماء دافي وجل الاستحمام أو الصنفرة وافركيه بالليفه ..واغسليه
بتحسي بنعووووومه ولانعومة الأطفال من أول مره تستخدميها
ومع كثرة الاستخدام بيتفتح لون الجسم وبيصير كله لون واحد
صدقوني رهيييبه الوصفة هذي ومجربه ..
2/ الوصفة الثانية
المقادير
ملعقة فكس
ملعقة جلسوليد
.ملعقة زيت اللوز الحلو
ربع كأس مبشور صابون الغار الطبيعي
ملعقتين قشر برتقال مطحون (تجفف القشور وتطحن)
ملعقتين شوفان كويكر(مطحون)
كأس ماء بقدونس
ربع الكأس عصير ليمون
الطريقة
نغلي ماء البقدونس ثم نضع الصابون المبشور والكريمات ثم الشوفان وقشر البرتقال
توضع الكمية في الثلاجة ويؤخذ المقدار الذي يكفي لتقشير الجسم.
الاستخدام:
في حمام مليء بالبخار يدهن الجسم بهذا المقشر وبعد عشر دقائق يقشر براحة اليد بحركة دائرية بعد ذلك يغسل الجسم بالماء وجل الاستحمام ..
النتيجة المرجوة توحيد لون الجسم وتبييضه وإزالة الجلد الميت منه وتنعيمه...
يستخدم مرتين بالأسبوع
*** ضروري يابنات الاستمراااار على هذي الوصفات علشان تبان عندك النتايج المبهرة .
# ثالثا : الوصفات الخاصة بتطهير الجسم وشده وجماله : (تكون بعد الاستحمام )
1/ أملي البانيو مويه وأضيفي عليه ملعقة أو ملعقتين خل تفاح وشوية ماء ورد... واسترخي فيه
بعدين خليكي تحت الدوش وافتحي المويه الباردة ... ياسلاااام انتعااااش وحيويه
..هذ الوصفة.. لها عدة فوائد : مثل تطهير الجسم وتعقيمه وإزالة رائحة العرق الغير مستحبه، وكمان خل التفاح يشد الجسم وخصوصا الصدر ، ويساعد في تفيح لون الجسم مع الاستمرار ...
2 / أملي البانيو مويه باردة وحطي عليه ثلاث فناجيل نشاء الذره وشوية ماء ورد ... واسترخي فيه .. بعد كذا افتحي الدوش على المويه البااارده ..
فايدة النشاء انه يشد البشره ويقفل المسام وكذالك يطهر الجسم من رائحة العرق ويعطيكي نعووووووومه فائقة
ويهدي البشره المتعبة ويريحها ... وغيره .. وغيره .
# رابعا : ترطيب الجسم :
** مهم بعد الاستحمام وبعد ماتجففي جسمك رشيه بموية الورد (جيبي بخاخ المويه وعبيه ماء ورد ) وبعد مايجف استخدمي المرطب اللي تحبي
1/ زيت اللوز الحلو : مفيد جدا في شد الجلد واكسابه المرونة .. يستخدم في عمل مساج للجلد
2/ زبده الكاكاو (علبه كأمله ) ، نصف علبه جلسوليد ، زيت لوز حلو
اخلطيهم مع بعض وادهني فيهم جسمك بعد الحمام ..
هذى المرطب ثقيل شوي لذلك ينفع بعد ماتعملي تقشير لجسمك .. فهو يعطيك نعوووومه وليووونه ويوحد لون الجسم ...
إذا حابه تحطيه قبل الحمام أضيفي عليه عصير ليمونه وحطيه في الليل وفي الصباح استحمي
3/ إذا حابه المرطب يكون خفيف فيه إشكال وأنواع من الكريمات المرطبة الخاصة بالجسم ...اختاري اللي يعجبك ..من كريمات من ماركه اسمها سويس فورمولا كويسه ورخيصة ومتوفرة
أو جونسن اند جونسن او نتروجين ........وغيره.

ودمـــ بحفظ الله ـــتم