لا تــشــتــكـي هــمـومــك

ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق(ن)بكت عند بابك

ياقلب ولله مابقى بعيني انعـاس
يومك شكيت الحب محد(ن)درابك

النار ماتحرق سوى رجل من داس
وللي كواه الحب يفهـم خطابـك

قبلك شرب مجنون ليله من الكاس
واليوم نفس الكاس تسقى شرابك

ياقلب اعرف معدنك معدن الماس
توفي لحبيب الروح لوهو رمابـك

ياقلب خلك بالشدايد قـوى بـاس
لا تلتفت للجرح لوهـو سطابـك

ياقلب لا تسقي عروقك من الياس
وخل الامل والصدق دايم زهابـك

مادام طاحت فاسك اليوم بالـراس
اعذر جميع الناس واخفي عذابـك

كلمات أعجبتني وأتمنى تعجبكم..

والله اعجبتني والله اعجبتني

مشكورة اختي الكريمة على النقل المميز

هذا من ذوقك ياابن السلطان وشكراً على مرورك الجميل ....

يعطيكي العافيه على الكلام الى يشرح الصدر

مميزة

تقبلي مروري

الحـــــــقوي

الحقوي اسعدني مرورك الجميل ماقصرت ..