يوم احبك قلت كلمه :(يكرم المرء أو يهان)

ما تغير شي .. لكن .. صار فاضي هالمكـان
يعني إنت شفت قلبي.. طحت من عيني وعينـه

[ كان ] لك قلبي" مدينه "ولاحظ إني قلت : كان !
يعني إنت الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تكذب في كلامك .. العـذر وينـك ووينـه

ما ألومك كان قلبـك ثـارت أمواجـه وخـان
الخطا مني لأني صرت فـي بحـرك سفينـه

والسؤال اللي كتمته وما نِطَـق فيـه اللسـان
كيف إيدك إطعنتني وأنا أحسبهـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يوم أحبك قلت كلمه : ( يكرَم المرء أو يُهان )
وإنت قلبي ما كرمته وما قدرت إنـك تهينـه !

[ عزتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منك وهذي الفرقـى رهـان
وحتى لو قلبي يحبـك ربـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أول من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه ؟!![[

:

:

اتمنـــــى انهـــآ نالت اعجــــآبكــم..
وسلامتكم ..

ارجو الاشارة لصاحب القصيدة ولو بكلمة منقول

اكثر ابيات القصيدة مكسورة الوزن والقافية

شكراً ابن السلطان على مرورك بس بغيت اقولك اني لو انا كاتبتها بكتب( بقلمي )
ماعتقد انه مكسورها على قولك اقرها من جديد ...

الشاعرة ملكة النعومة

ساعطيك مثال بسيطة من القصيدة

قافية البيت الاول( مدينة )

قافية البيت الثاني( عينه) وهذا اختلاف في القافية

البيت السابع من القصيدة (يكرم المرء (او ) يهان) (او) كسرت وزن البيت

انا لا اريد التحطيم ولكن اردت النصح فقط لتلافي الاخطاء مستقبلا

نصيحة (لا تشاركي في مسابقة شاعر المليون ) خليهم يترزقون الله !!

شرفتني ابن السلطان لاتحطيم ولا شي عادي عادي اختلف الراي لا يفسد في الود قضيه
حبيت اقولك انه مكتوبه (مدينه) مو(مدينة ) ماعتقد في اختلاف في الوزن معروف في الشعر
راح تلقى حكمه او اقتباس وهذا ماحصل في الابيات الي هي (يكرم المرء أو يهان)..
ولايهمك مراح اشارك في شاعر المليون نصحيه انت قلتها...
انا اتقبل النقد بروح رياضيه لان الثقه عنوان النجاح ...

اهنيك من كل قلبي ياملكة النعومه

بصراحه ابداااااااااااااااااع واستمري

واهنيك مره ثانيه على ثقتك بنفسك

واللي في نظري انها في محلها

اختك

شموخ انثى

وبالتوفيق

هلا والله بشموخ تسلمين يالغاليه كله من ذوقك والله اسعدني مرورك الجميل
لا عدمناك...

ملكة النعومة كتب:: شرفتني ابن السلطان لاتحطيم ولا شي عادي عادي اختلف الراي لا يفسد في الود قضيه
حبيت اقولك انه مكتوبه (مدينه) مو(مدينة ) ماعتقد في اختلاف في الوزن معروف في الشعر
راح تلقى حكمه او اقتباس وهذا ماحصل في الابيات الي هي (يكرم المرء أو يهان)..
ولايهمك مراح اشارك في شاعر المليون نصحيه انت قلتها...
انا اتقبل النقد بروح رياضيه لان الثقه عنوان النجاح ...

تسمعين عن المثل اللي يقول ( جا يكحلها عماها)

نشبه صح يوم احبك قلت كلمه :(يكرم المرء أو يهان) 44940

شكراً ابن السلطان على مرورك العاطر شرفتني...

ملكه وزن وقافيه وكلمات رائعه
ويعطيك العافيه على النص الجميل

وتقبلي مروري

سلطان الهوى

ودمتي بود .......

ملكة النعومة الله تسلمين على النقله الرائعه ابداع x ابداع من جد رقتلي وبانتظار جديدك

سلطان الهوى اسعدني مرورك الجميل ولاعدمناك ..
لمسات ناعمه شكراً على مرورك العاطر لاعدمناك..

ملكة النعومه ابيات جميله وقافيه حلوة يعطيكي العافيه

تقبلي مروري

الحــــــــــــقوي

شكراً على مرورك الحقوي بجد اسعدني لا عدمناك..