قصة رحيل!!!

موضوع: قصة رحيل!!! الأربعاء مايو 07, 2008 5:50 pm

قالوا لها ولد عمتك
امينه
جاي ويبي يكمل نصف دينه
أيش رايك يافتون
ابتسمت وقالت اللي تشوفون
اركضت صوب غرفتها
بعثرت من الفرح كل اغراضها
وطلعت دبدوب لونه رمادي
قبلته ولصدرها قالوا لها: ولد عمتك امينه
ضمته
وقالت انته اول هديه كانت في عيد ميلادي
كانت من حبيبي
نامت وهي تهمس حبيبي حبيبي حبيبي حبيبي
ماصحت الا على طقة الباب
امها تقول بسرعه البسي جونا الأحباب
لبست احلى الثياب
صارت أحلى عروس
بيديها كاسة عصير
قلبها يسابق اقدامها
تبي تشوف فارس احلامها
لكن
صار اللي ماتوقعت انه يصير
شافت ولد عمتها سعد
رمت كوب العصير
وارتمت فوق السرير
قبل تسألها امها عن اللي صار
اصرخت قالت ماأبييييييييييييييييييييه
تجمعوا عليها من كل صوب
أبوها أمها أخوها
قالوا غصب عليك تاخذييييييييييييييه
مرت بسرعه الأيام
وصار الزفاف في نفس العام
تسريحه اي كلام
مكياجها باهت من كثر الدموع
عطرها مو مهم اي نوع
خطواتها يم الكوشه ثقيله
ااهاتها داخل صدرها طويله
تمنت الموت ألف مره
على ان تعيش في حضنه مره
سعد يمشي وماسك يدها بيده
يناظر حوله ويشوف مااحد قده
قضت ليله
أقصد ليله قضت عليها
ليله كل شي موحش ا جمعت
بصدرها كل ونة مفارق تجمعت
اليوم الثاني موعد سفرها
سعد مع اخوه ينتظرها
وصلهم لباب الطايره
وعيونه من البكى حايره
طبطب سعد على كتف أخوه
وقال لاتبكي كلها أسبوع وراجعين
انا وقرة العين
قال اخوه قول ان شاالله
وصلوا الفندق
اللي في نظرها خندق
مع انه خمس نجوم
أخر الليل فرش سجادته على شط البحر
قال اجلسي ياقمر
اجلست جلسة طفش
تمنت انها فوق النعش
سعد فرض نفسه
استلقى على ظهره ونام على حجرها
يناظر في السحاب
ويقول احلى شي بالدنيا جمعت الأحباب
الله الجو رعه والبحر هادي
فتون ماهي معاه
جالسه تداعب دبدوبها الرمادي
وقتها نزلت دمعه على جبين سعد
قام وجلس قال خساره شكلها بتمطر
راح لسيارته مسرع
خايف ان المطر يسرع
قالها عيوني هاتي السجاده وبسرعه تعالي
سعد في سيارته
مشغل الراديو ويسمع(ألا يامطولوا صبري أذوق الهم من كاسه
انا ياكم قسى دهري علي وكم قسوا ناسه)
ضحك بسخريه ونزل ينادي على فتون
سجادته مكانها
فتون مالها اثر
وعلى ضوء القمر
في وسط البحر
لاحظ شي يطفو
جن جنونه وصار ينادي بصياح
ماهو معقول كل شي راح
فتون ماتت
مالقوا الا دبدوبها
اللي شايل ورده
منقوش عليها
((((((محبك للأبد فهد)))))))
منهو فهد
فهد اخوي ولد امي وأبوي
كيف؟ ومتى ؟وليه!!!!!
أسئله مالها أجوبه
على أول رحله عاد
وليته ماعاد
لقى أهله بثوب الحداد
ماينقصهم الا فهد
فهد وينه ؟ فهد مات
يوم رجع من المطار
وركب سيارته
لقى في المقعد الخلفي
تذكرة سفر
مكتوب عليها من الخلف
بروج احمر
(((لأني احبك لن اعود)))
فهد انهار
بكى بكى بكى
نسى نفسه انه يقود
صارله حادث
بعد ماقطع اشاره
نفس التاريخ بعد عام
في غرفة سعد
علبه حمرا
فيها:
دبدوب رمادي
تذكرة سفر
صورة فتون
صورة فهد
مكتوب على العلبه:الا يامطولوا صبري أذوق الهم من كاسه
أنا ياكم قسى دهري علي وكم قسوا ناسه
خاطره ابكتني من جد اتمنى انها تعجبكم

موضوع: رد: قصة رحيل!!! الأربعاء مايو 07, 2008 8:10 pm

خاطرة مؤثرة

سلمت يداك على النقل

موضوع: رد: قصة رحيل!!! الأربعاء مايو 07, 2008 10:36 pm

مشكور ابن السلطان على المرورلمتصفحي وحياك الله

موضوع: رد: قصة رحيل!!! الأحد مايو 11, 2008 1:44 am

لمسات
اشكرك والله من جد القصه مؤثره لابعد حد
ويعطيك العافيه
وتقبلي مروري
سلطان الهوى
ودمتم بود ...........................

موضوع: رد: قصة رحيل!!! الخميس مايو 15, 2008 10:08 am

سلطان الهوى كتب:: لمسات
اشكرك والله من جد القصه مؤثره لابعد حد
ويعطيك العافيه
وتقبلي مروري
سلطان الهوى
ودمتم بود ...........................

سلطان الهوى.........العفو ومشكور على مرورك لمتصفحي ....وحياك الله

موضوع: رد: قصة رحيل!!! الجمعة مايو 16, 2008 5:30 am

قصة مؤثرة !! وطيب الله قلبك على هذا العطاء........وجزاك الله كل خير على النقلة الرائعة وفعلاالحب كبير وبحره ليس له نهاية........

موضوع: رد: قصة رحيل!!! السبت مايو 17, 2008 7:02 am

تسلمين لمساااااات من جد موثره,,,

موضوع: رد: قصة رحيل!!! الإثنين مايو 19, 2008 10:57 pm

يكفينا جروح كتب:: قصة مؤثرة !! وطيب الله قلبك على هذا العطاء........وجزاك الله كل خير على النقلة الرائعة وفعلاالحب كبير وبحره ليس له نهاية........

يكفينا جروح..... مشكوره على المرور الطيب .......... وتسلمين ياعمري على الكلمات الجزله

موضوع: رد: قصة رحيل!!! الإثنين مايو 19, 2008 11:11 pm

ملكة النعومة كتب:: تسلمين لمساااااات من جد موثره,,,

ملكة النعومة ........ مشكوره على المرور العاطر