لمسات ناعمه كبيرة مشرفين ومراقبة عامة
عدد الرسائل : 450 الاوسمة : احترامك لقوانين المنتدى : رقم العضوية : 3 تاريخ التسجيل : 09/04/2008
| موضوع: **قصيده مؤثره** الجمعة مايو 02, 2008 6:50 am | |
| تمنيتك علي تقبل .. أشوفك مبتسم فرحان وأشوف أهلك يغنوا لك ولدروبي يزفونك ..
وتزيد بقلبي نبضاته ويحمر وجهي الخجلان ويرعش جسمي بقدومك وأقول امشي على هونك ..
واملاك السما تحفك بنور الرازق المنان عليك اسم الله يالغالي وعمت عين اللي يحسدونك ..
تسابق لجلي خطواتك تجيني محترق لهفان وأحط يدي على قلبي واقوله جاك مفتونك ..
وتفتح طرحتي بيدك وأتوه بسحرك الفتان ياعمري والله خجلانة وميته بنظرة عيونك ..
يريحني كلامك لي ياما حلا ليلة العرسان وتعاهدني بتوفي لي وأعاهدك أني ما أخونك ..
مضى عمري وأنا احلم وأظم طيوفه بالأحضان واسأل ليلى يا ليلى شسويتي بمجنونك ..
تحقق نصف حلمي بك وشفتك مقبل وفرحان وشفت اهلك يغنوا لك.....وللحلوة يزفونك ..
خنقت بنفسي عبراتي وخنقني قلبي الغيران وحبست دموعي في عيني وقلت امشي على هونك ..
فضحني صوت شهقاتي ورجيت الواحد الديان يخليها ويقدرني أضمّد جرحي من دونــــــــك ..
أشوف شلون تضحك لك وقلبي يشتعل نيران دعيت الله يهنيها معاك وتجلي شجونك ..
وأنا منهو يهنيني ويداوي قلبي الوجعان أنا ونيت يوم أني سمعت إخواني يطرونك ..
غديت بغبنتي وحنيت وصفت إحساسي للجدران رحلت وربي ما ضنيت مصيري غيري تصونك ..
وناديتك ولا لبيت وتخالط شوقي بالهجران بتنهيدة أنا ترجيت لي ربعي يجيبونك ..
يقولون ادفني ذكراه وانسي اللي خان قسم بالله ما انساك ولو هالكون ينسونك ..
تروف بحالتي سارة وتحلف والله هو خسران يواسوني رفيقاتي يقولن كلنـــا عونــــك ..
كبيرة بعين كل ربعي أموت وعزي ماينهان كذا تخليني أصغرهم مع فلانة يلقونك ..
أنا مابي مهر منك ولا شبكة ولا فستان طموحي احتضن حزنك وازين بالهنا كونك ..
أبيك تكون لي وحدي بديره مابها سكان تنومني بوسط عينك وتلحف جسمي بجفونك ..
غناتي ليه تاخذها وتشمت فيني العدوان وش اللي ساومك فيها وصغر شخصي بعيونك ..
وش اللي مو حلو فيني..؟؟ كسرت بخاطري يافلان خبر عرسك قضى فيني هلكت قليبي بطعونك ..
(مزن )ضميتها وبليت شعرها بمدمعي الهتان ياعمري خلو الخالة وعساهم ما يخلونـــــــك ..
يهون عليك ترخص بي وتجازي طيبتي بنكران عشقت اهلك على شانك ولمت اللي يلومونك ..
أسفه والله أسفه مكتوب أهيم بسكة الأحزان ومكتوب تلقى بنت ناس تعيش بدالي في كونك ..
ياشين اللحظة ذي والله تمنيت ألبس الأكفان وأشوف الظلمة في قبري ولا بغيري يهنونك ..
يبين ارجوووك خذ روحي ونادو يا هلي الدفّان ابيك تحس بجروحي.. وبتابوتي يمرونك ..
أبيك تشيل تابوتي على كتفك يغصن الـ بان وتعرف قدري بموتي وتدمع لجلي عيونك ..
بذاك الوقت أبي امسح دموع الغالي بأكفاني دموعك أغلى ما عندي يامالك كل وجداني ..
فراق أهلي وزواجك موت ، ودمعك موتي الثاني خلاص ارحمني لاتبكي دخيل الله على شاني ..
زماني مارحم ضعفي هزم حسي وتحداني عهد في قبري ما نساك تعال وزورني عاني ..
تعال خلني بحس إنك علي ولهـــــــــــان وبفــــــــــرح وانا في وســـــــط تربـانــــــي.. | |
|
ابن السلطان مراقب عام (مكروف)
عدد الرسائل : 100 Personalized field : احترامك لقوانين المنتدى : رقم العضوية : 2 تاريخ التسجيل : 01/04/2008
| موضوع: رد: **قصيده مؤثره** الجمعة مايو 02, 2008 7:38 pm | |
| لقد استحقت هذه المشاركة وسام التميز بجدارة
سلمت يداك على هذه (القصة) ( القصيدة ) الرائعة | |
|
لمسات ناعمه كبيرة مشرفين ومراقبة عامة
عدد الرسائل : 450 الاوسمة : احترامك لقوانين المنتدى : رقم العضوية : 3 تاريخ التسجيل : 09/04/2008
| موضوع: رد: **قصيده مؤثره** الجمعة مايو 02, 2008 9:06 pm | |
| ابن السلطان مشكور علىمرورك لمتصفحي وحياك الله | |
|
ملكة النعومة مشرفة المنتدى الادبي
عدد الرسائل : 155 احترامك لقوانين المنتدى : تاريخ التسجيل : 19/04/2008
| موضوع: رد: **قصيده مؤثره** الأحد مايو 04, 2008 5:39 am | |
| سلمتي لمسااااااااات الله يعطيك العافيه يارب... | |
|
لمسات ناعمه كبيرة مشرفين ومراقبة عامة
عدد الرسائل : 450 الاوسمة : احترامك لقوانين المنتدى : رقم العضوية : 3 تاريخ التسجيل : 09/04/2008
| |
سلطان الهوى مشرف المنتدى السياسي والاقتصادي
عدد الرسائل : 228 تاريخ التسجيل : 08/05/2008
| موضوع: رد: **قصيده مؤثره** الأحد مايو 11, 2008 2:15 am | |
| لمسات تستحقين الوسام وتسلمي على الطرح الرائع وتقبلي مروري سلطان الهوى ودمتم بود .............. | |
|
لمسات ناعمه كبيرة مشرفين ومراقبة عامة
عدد الرسائل : 450 الاوسمة : احترامك لقوانين المنتدى : رقم العضوية : 3 تاريخ التسجيل : 09/04/2008
| موضوع: رد: **قصيده مؤثره** الخميس مايو 15, 2008 10:40 am | |
| - سلطان الهوى كتب:
- لمسات تستحقين الوسام
وتسلمي على الطرح الرائع وتقبلي مروري سلطان الهوى ودمتم بود .............. سلطان الهوى ....... الله يسلمك ومشكور على الاطراء الطيب ..... وحياك الله | |
|